久未露面的關禮傑與朱健鈞，昨日代表電視演藝體育會足球隊到屯門踢友誼賽，關禮傑對尹志強的離去感可惜，他說：「我都踢過明星足球隊，尹佬（尹志強）教過我踢中鋒，仲好認真教我，令我球技有進步。佢嘅離開當然令人惋惜，但佢同病魔對抗都好辛苦，依家係種解脫。」朱健鈞亦慨嘆地說：「我識睇波係好後期嘅事，未試過睇尹佬為明星足球隊落場，但我阿爸睇開波，佢成日讚尹佬好脾氣，我好想可以同尹佬同場踢波。我亦同過米雪姐合作過演母子，但拍完後比較少聯絡。」此外，昨午在深水埗運動場舉行晨曦對四海流浪的甲組聯賽，開賽前特別為尹佬默哀。
