徐小鳳一連三場演唱會前晚在澳門揭開序幕，為慶祝虎年，她以一身鮮紅長裙出場，獻唱多首賀年歌，配合閃爆大樂隊加上舞獅，倍添新年氣氛。小鳳姐以歌會友，大唱經典名曲，相隔十年多再次舉行新春個唱，她感謝歌迷支持：「好掛住大家，多謝你哋千山萬水嚟支持我小鳳！」

羅君左穿上黑白波點裙，晒肩扮小鳳姐。	舞台上有醒獅和閃爆樂隊，十分應節！	盧海鵬戴上黑超扮羅文，卻被林建明嘲唔似！

騷後，小鳳姐披上粉紅披肩接受訪問，對於個唱表現，她表示因走錯位而略感不滿，但大讚澳門和香港歌迷同樣熱情：「唯一遺憾係有個欄，距離觀眾好遠，冇辦法同歌迷握手。一路都忙緊籌備演唱，未有時間周圍去澳門遊覽，最想周圍食嘢，忍咗好耐，如果唔係着唔落啲衫！」

瘦身近10磅的小鳳姐笑言，葫蘆身形屬天生，至於會否考慮在港舉行個唱？她說：「未諗咁遠，完騷後想去歐洲旅行。」

扮肥姐放笑彈

此外，前晚羅君左與盧海鵬等藝人演出《SUPER疑似巨星演唱會》，施展渾身解數扮演多位巨星引爆笑彈，羅君左先以紅裙Look變身「肥姐」沈殿霞，再穿起小鳳姐的招牌黑白波點裙唱出《順流逆流》。期間，羅君左胸前大解放，爆衫晒香肩，令全場觀眾拍爛手掌，他說：「因為行動不便，上台、落台都要靠多位猛男抬我先可以安心演出，要多謝佢哋！」