小小So知道謝寧退居幕後轉做女強人，除咗打理餅店生意外，最近佢仲接手邵氏影城嘅餐廳經營權，實行進軍飲食界，對佢嘅「餅迷」嚟講，真係一個喜訊，因為「餅迷」眾多包括唔少圈中人，依家謝寧喺邵氏開Canteen，一定引到電視城班同事去捧場。
小小So：我都係謝寧「餅迷」，聽到佢開Canteen，第一時間就諗到下午茶時段，一定有餅食，尤其佢最聞名嘅「蝴蝶酥」。
謝 寧：開業咗幾個月，其實開餐廳要搞好多嘢，我主要係控制食物質素，電視台班同事個個都捱更抵夜，有好嘢食，係撐落去嘅原動力，做餅都會，下午茶時段推出都係一個好適當嘅安排，但我安排咗每份餐都會有我一塊餅！
小小So：有咩撚手小菜係Canteen招牌？
謝 寧：未諗呀！其實都係交畀師傅設計，但我都會加入意見，仲要做吓問卷調查，睇邵氏班同事鍾意食乜！
小小So：我都成日入電視城，邵氏影城早排又開工拍《72家租客》，佢哋口味不外乎係住家菜啫！
謝 寧：開正我強項啦！