18/02/2010

播放本新聞相關短片

小肥戒做失戀王RubberBand搣走懶筋

樂隊RubberBand(RB)與小肥感情要好,踏入虎年,6子目標明確,誓加把勁繼續炮製「好音樂」!RB笑言監製雷頌德(Mark)將會狠狠鞭策他們:「以前比較被動,又比較懶,虎年我哋會加把勁快啲出碟,如果唔係會畀阿Mark用鞭『鞭策』!」談到外間經常將他們與Mr.比較,鼓手泥鯭說:「我哋從來冇鬥過,私底下係好朋友,的確佢哋個個都好靚仔,新一年希望可以再合作,最好有埋其他樂隊,炒熱個樂壇!」此外,最近泥鯭聯同林海峰拍攝廣告而人氣急升,主音6號笑言要派出泥鯭力抗Mr.。

至於小肥向來主打慘情歌,「失戀王」形象深入民心,不過新的一年,小肥決定將「寶座」讓給好友陳柏宇:「有時大時大節真係好矛盾,啲歌好似唔係咁好意頭,好尷尬!」將推出新專輯的他亦有參與製作,望帶給樂迷新鮮感:「我有好多概念想做,唔會話放棄唱慘情歌嘅,一步一步嚟啦!咁先會『步步高陞』嘛!」