雖然同是Amusic旗下藝人，但Janice Man（JM，文詠珊）和Aarif（李治廷）在工作上很少機會碰面，趁農曆新年佳節當前，炮製應節賀年食品，兩人起初以為細細粒的煎堆製作容易，見點心師傅兩三下手勢，便將搓成小圓球的糯米粉釀入蓮蓉，再沾上芝麻。兩人有樣學樣照做，JM卻搓到「不似球形」，只見一堆粉沾滿手掌，惟有向師傅求助：「點解黐實晒嘅！」Aarif見JM失手，即不敢怠慢，跟足師傅的步驟，終於做到一粒似樣的「煎堆仔」。事後JM說：「諗住好易，原來都需要啲技巧，師傅話啲糯米粉唔可以喺掌心搓太耐，因為有熱力啲粉就會黐晒上手。」

李治廷與Janice Man祝願大家龍馬精神、美艷動人！

放大圖片

努力搏殺答謝黎明

JM和Aarif都鍾情賀年糕點，JM尤其愛祖母親手炮製的自家年糕，每年都給她「掃光」！問到祖母可有傳授製糕秘技？JM笑說：「係我冇學，點整都唔會夠婆婆咁出色。」Aarif則最喜歡吃蘿蔔糕，最難忘一次，是在英國讀書時與室友整蘿蔔糕，他負責刨蘿蔔：「我唔記得啲蘿蔔糕好唔好食，只係記得刨到隻手第二日勁痠痛。」

JM整煎堆期間非常興奮，不時狂笑，令現場氣氛更歡樂！	李治廷與Janice Man炮製應節的煎堆，祝大家金銀滿屋。	JM手勢不夠純熟，令手掌沾滿一堆粉。

踏入新的一年，JM希望繼續嘗試不同類型的工作，她坦言最開心是早前與老闆黎明和Janice（衞蘭）拍戲，因黎明「轉數好快」，令她思維進步不少。問到可想過送禮物答謝黎明？JM說：「乖乖哋努力工作，我覺得係最好嘅禮物！」Aarif則喜歡音樂創作，希望有機會寫歌送給黎明。

JM及李治廷急不及待試食自己的手藝。

在師傅的協助下，兩人終於完成一碟煎堆。

菊普茶生果消滯良方

農曆新年的賀年食品各適其適，蘿蔔糕、年糕、角仔、煎堆仔及瓜子，相信大家都已吃下不少，Janice Man和李治廷教你消滯秘方！

JM：唔好睇我咁瘦，新年食品我最鍾意食年糕，媽咪煎幾多我都幫佢食晒，所以唔食滯都幾難！不過，媽咪每次都會泡定一杯菊普茶，用三、四朵甘菊加埋普洱茶沖水，係消脂消滯嘅好方法。

李治廷：我唔太鍾意飲中國茶，所以我嘅方法好簡單，就係食多幾個生果嚟消滯。