新春期間，周倩圯（Samantha）為氹一班長者開心，自掏腰包化身禮物小姐，與擔任形象指導的緋聞男友郭慶彬（Ricky）等到訪油塘仁安敬老中心，與長者玩遊戲送禮物如蝦子麵及麥皮等，公公婆婆玩得十分投入，笑聲不絕！一班長者也賣口乖，不時大讚Samantha人靚心地好，氹得她笑到見牙唔見眼，她說：「我自細同嫲嫲一齊住直至中學，我好錫嫲嫲，亦識得點同老人家溝通。每位公公婆婆背後都有唔同經歷，對社會亦有貢獻，值得我哋尊重，氹老人家開心唔難，佢哋會返老還童，好似小朋友咁，要人氹！」玩樂完畢後，Samantha送上揮春及蘿蔔糕，每人一份，永不落空，她還耐心叮囑公公婆婆：「蘿蔔糕最好蒸，唔好煎、炸，因為較為食得健康呀！」

周倩圯自掏腰包買蘿蔔糕和揮春，愛心爆棚！

周倩圯祝公公婆婆身體健康，開開心心。

難忘陪嫲嫲整湯圓

其後，Samantha到鄰近屋苑探訪獨居老人，繼續傳送愛心，她說：「我希望每個人都開開心心過虎年，最重要身體健康。」看見一班長者，Samantha不期然緬懷小時候與嫲嫲共度新年的溫馨日子：「我嫲嫲一定會親手搓湯圓，而我喺旁邊幫手搓糯米粉，最記得每粒湯圓入面都放有細細粒片糖，好好味！」