今年是名模Jocelyn婚後的第二個新年，她表示每逢農曆新年都不會在港，因較少工作，趁機與老公Anthony去旅行放鬆：「上年我去咗度蜜月，前年返咗我嘅家鄉夏威夷，今年計劃同老公、朋友去非洲兩星期。」
Jocelyn透露曾在夏威夷唐人街參加新年節日：「每逢新年，唐人街都好熱鬧，有人舞獅、有好多嘢食，最鍾意食年糕同煎堆。附近有小攤檔賣玉器寓意好運，仲可以放爆竹，好好玩！」她表示新年會派利是，並以廣東話說「恭喜發財」，新年願望是身體健康，工作順利，大家開心，至於會否生BB？她說：「應該係四、五年後嘅新年願望，哈哈！」
