模特兒姚予晴(Mikki)及汪圓圓亮相網上節目《與星談程》,兩人甫見堪輿學家李丞責即要求指點迷津。李丞責指Mikki於童年時揀飲擇食,故要留意中年健康問題,尤其是腸胃科及婦科,他又說:「Mikki都幾着重婚姻,幾想嫁人,整體嚟講都會搵到心水對象,但佢性格強,有時唔好咁恰人會好啲,感情事要互相遷就!」
李丞責又指汪圓圓先天條件好,他說:「如果繼續從事目前嘅工作,就要釋懷,唔好太執着,畀心機,應該可以喺多方面發展。」圓圓其後問及感情事,李丞責說:「圓圓唔係倔強但有原則,睇嘢太清楚,變咗唔太投入感情事,可能要近30歲先談婚論嫁。」