日前o靚模周秀娜（Chrissie）與莊思敏，被拍得到當舖變賣在綜藝節目上贏得的鑽石頸鏈，分得一萬元的Chrissie當場斷正，她大方承認此事，並說：「咁多女仔贏得一條鑽石頸鏈都幾難分，加上新年前大家又要用錢，而且我哋都一致贊成咁做！」新春期間，Chrissie將意外之財「借花敬佛」，豪買燕窩及花膠送給男友Avis的媽咪，實行走「奶奶政策」，可惜被Avis踢爆其詭計：「佢係買咗好多燕窩同花膠上嚟，但媽咪整都會預埋佢，仲話佢做嘢辛苦所以要留最大碗畀佢。」難怪Chrissie急補飛，笑言明年會加碼。訪問期間，Chrissie與男友這對鬥氣小冤家亦各不相讓，不時在桃花樹下「耍花槍」，相當搞笑。