亞視「星光家族」成員羅力威、亢帥克、蔡梓銘、陳蕾、古卓文、李昊嘉及譚杏藍等，前晚在九展舉行一連兩場演唱會，入座率約八成，製作則頗有「山寨」Feel！舞台設計十分簡單，開場時音響又出問題將人聲掩蓋，以唱功為賣點的「星光家族」更不時唱錯歌詞及甩嘴，而中段眾歌手落台派「利是封」則引起觀眾搶奪，有觀眾趁機合照，場面混亂。

深情剖白認自閉

盛傳不和的羅力威與亢帥克亦在台上針鋒相對，亢帥克獨唱後見羅力威上台即問：「點解你會喺度？」羅力威毫不客氣地說：「你有Fans咩？」亢帥克說：「你講咩呀？」羅力威說：「你有好多Fans，大家係咁意畀掌聲佢啦！好多人話我哋不和，其實我哋私底下好Friend，我仲寫咗首歌畀佢。」亢帥克又接着說：「難得威哥肯寫首歌畀我唱！」

穿上低胸裝的譚杏藍，俯身獻唱，掀起全晚高潮。	古卓文與陳蕾在台上勁歌熱舞。	星光家族開騷勁多甩漏，被批評似「山寨」騷。

被指性格古怪的羅力威在台上作出深情剖白：「希望同事體諒我有啲自閉，創作音樂時會匿埋，令氣氛唔融洽。」騷後二人接受訪問時齊聲否認不和，笑言在台上針鋒相對是預先安排。問到早前拍MV被投訴不合作，羅力威說：「大家有出現言語上嘅討論，自己喺音樂上嘅堅持，令到有啲意想不到嘅事情發生，不過我依家已經改善咗好多。」