有「亞洲第一中鋒」之稱的尹佬，74年「上山」効力南華，當年南華的主力攻擊球員「神童偉」黃文偉，指尹佬初時很羞澀，與隊員混熟後，即被其好動及開朗性格感染，兩人亦因而成為忘年之交，更經常結伴遊埠，足迹遍布大半個地球。尹佬的經歷亦與黃文偉如出一轍，偉哥16歲亮相甲組，尹佬則於18歲加盟南華，偉哥與藝人白茵結婚，尹佬亦與藝人米雪相戀，哄動一時。偉哥說：「早期嘅尹志強好羞澀，後來大家熟落咗，先知道佢好開朗，好快成為球隊開心果，每次有活動一定預佢一份！」他又大讚尹佬頭槌出色：「尹佬嘅腳法只算普通，但頭槌好出色，好勤力走動同搏命，隊友都會受佢影響而多走幾步！」