對於「亞洲第一中鋒」尹志強病逝，波友及藝人均深表惋惜。
林海峰：「細個有睇尹佬踢波，佢係逆境戰士，可以扭轉局勢。佢叫尹志強，一定要強，佢女友更加要志（自）強，堅強開心過每一日！」
陳發枝（70、80年代名將、兩膺足球先生）與尹佬相識30多年，大讚他是隊中的開心果：「值得讚揚尹佬嘅拚搏精神，以前練波落大雨，佢最叻頭槌，落完雨好多泥，佢都飛頂，搞到成面泥漿，認唔到佢個樣！」
晨曦顧問鍾志光與尹佬相識於90年代，大讚他為人爽直：「尹佬好肯提點我哋呢啲打Golf初哥，幫我哋Book場之餘，連場費都幫我哋畀埋！」
甄力健（晨曦教練）大讚尹佬是好前輩：「尹佬不斷提點後輩，教人正確嘅方向，喺球場以外佢係個開心嘅人，好值得年輕一輩學習！」
明星足球隊成員李子雄大讚尹佬是良師益友：「尹佬知我打前鋒，提醒我要留力，唔好段段都衝，贏咗波佢又會幫我哋爭取獎金，希望佢喺另一個國度開心！」