唱作歌手謝文雅（Casey）去年底成為自由身歌手，她坦言這是一個全新的開始及挑戰：「上年年尾成為自由身之後，發覺真係辛苦咗好多！接Job、置裝咩都要自己搞掂，不過都係一個好好嘅經驗！」她的歌唱事業多年來仍未見高峰，問到可曾有一刻想放棄？她說：「都有o架！不過見到《超級巨聲》啲參賽者咁努力追尋夢想，我難得已經入咗行，點可以咁輕易放棄呢？所以新一年我都會繼續努力，做多啲好歌！」
至於開始作多線發展的模特兒曹卓榣（Cc）則希望在新一年有更多拍攝電影的機會：「唱歌同拍戲我都鍾意，不過拍戲真係可以學到好多嘢！我仲係一個新人，希望嚟緊呢一年可以有多啲機會向啲前輩學習！」問到新一年可希望有個男朋友相伴？事業心甚強的Cc說：「唔會住喇！都係努力工作先！」