趙碩之（Wylie）、尹蓁晞（Yumi）、戴夢夢及陳若嵐（Melody）為慶祝踏入虎年，相約學整桂花糕、芝麻糕、湯圓及時興的雪花冰等，祈求新一年能夠「一團和氣」、「甜甜蜜蜜」！經常結伴工作的四人，拍住上整甜品，分外有默契，Wylie與夢夢負責搓湯圓，Yumi與Melody則負責切糕點。未知是否太熟，她們全程搞搞震多過幫襯，Wylie與夢夢搓湯圓皮時，竟然興起在糯米粉上打手印，穿上大V領上衣的Wylie，俯身打手印時太過肉緊，胸前「事業線」頓時一覽無遺！

尹蓁晞低胸「辣」着陳若嵐

至於已有正印男友的Yumi，廚藝卻不及Melody好，即使只是簡單的切糕工作亦弄得雞手鴨腳，切出來的塊粒時大時細，被Melody大喝倒采。問到閒時有否下廚炮製美食冧男友？Yumi即甜絲絲地說：「佢好錫我，驚我整嘢食會唔小心整親，所以唔畀我入廚，佢話驚我無啦啦又上港聞喎！哈哈！」此時Melody即搭訕：「你哋睇Yumi今日嘅身材幾咁火辣呀！佢男友平時淨係眼福都飽晒啦！仲使乜食佢煮嘅嘢呀！」

趙碩之與戴夢夢忽發奇想，在糯米粉上打手印。

Yumi（左）切糕點的手勢，不及Melody好。

問到如此愛吃甜品，為何身形仍能Keep得如此Fit？Wylie即沾沾自喜地說：「我好識揀o架！甜品之中我最鍾意食木瓜燉雪耳，一嚟夠滋陰，二嚟食咗又可以豐胸，一舉幾得。」至於夢夢則笑言雪花冰最合心水：「我鍾意嗰種入口即溶嘅感覺，其實我好瘦o架，只係塊面上鏡有啲包包哋，所以仲有本錢可以食多啲！」