小方、鄧麗欣（Stephy）及金牌大風新人陳思彤前晚到黃大仙出席活動，緋聞情侶小方和Stephy穿上桃紅賀年裝襯到絕，問到年初一兼情人節有何計劃時，小方透露會返北京向公公婆婆拜年：「原本應該年三十晚前返到去，但係要工作冇辦法，爸爸媽媽已經過咗去啦！」Stephy則表示會與家人食盆菜過年，問到是否沒有小方在身邊才與家人過年？小方即自爆：「嚟做嘢之前先同佢去拎盆菜。（送花畀Stephy？）乜台上有花送咩？唔好成日講我哋啦！（畀啲新意？）唔好，今年已經好多是非！」

Stephy派賀年糖果，大受歡迎。

RubberBand、Stephy（後排右起）、陳思彤和小方等出席賀年活動。

寧與小方再傳緋聞

有傳黃柏高（Paco）因好友龐維仁注資金牌大風後將重掌大權，而Paco有意踢走靠攏「太子」鄭中基的兩人，Stephy和小方均澄清與Paco關係良好，身為金牌一姐的Stephy還大讚新老闆龐維仁是年輕才俊，與對方交換烹飪心得，無懼被飛傳言：「佢真係正，人又Nice又識煮嘢食。（同佢傳緋聞？）千祈唔好，寧願同番小方！」小方則透露龐維仁相約眾歌手食飯：「佢話有咩想法、要求，如果佢覺得可以，幾多錢都可以拎出嚟。我淨係問佢係唔係介紹三個女新人入嚟，佢就話冇咁嘅事！」