多番受情傷的Ana R.去年底又甩拖，但她對愛情依然有憧憬，新一年希望找到如意郎君，故選擇於新春期間行「桃花陣」，希望覓得好姻緣，她繞着桃花順時針方向行了三個圈，然後閉起雙眼，做出許願手勢，她鬼馬地說：「Money and man, money and man……」其後她說：「我希望今年可以搵到一個明白我、了解我、思想同我一致嘅男朋友，我都幾迷信，曾經拜過姻緣石，遲啲去拜埋月老求姻緣！」

放大圖片	Ana大叫「Money」，希望財源廣進。

感覺健康可貴

至於早前與陳柏霖分手的Mandy Lieu，對感情事並不着急，問到願望是否盡快找到真命天子？她說：「有契媽喺我身邊，感情事隨緣啦！人大咗最着重身體健康同開心，近一年身邊有好多朋友都有重病，所以我雖然只係25歲，但已經感覺到健康嘅可貴！」她透露小時候的農曆新年都在馬來西亞度過，大家都期待在街上看舞獅及燒炮仗，最重要的就是一家人吃團年飯！她說：「嚟咗香港六年，年年過年都好掛住契媽，好掛住佢整嘅『撈生』，今年有佢陪我過新年，好開心！」