穿上性感乳牛及老虎裝的雷凱欣，大騷32E驕人身材，預祝本報讀者虎年虎虎生威、生龍活虎！銳意闖影壇的她笑言，不介意性感演出，更計劃推出寫真集，當中不乏性感相。不過雷凱欣笑言有底線，更是為了真命天子而堅守：「我嘅底線係三點不露，因為驚嫁唔出。但如果遇到好劇本，再性感啲真係冇所謂o架！」對於有相士指她今年若要求突破，便要改作密實打扮，她坦言得啖笑：「做得呢行，密實同唔密實都唔輪到我話事啦！風水嘢信則有、不信則無。」
雷凱欣坦言恨拍拖，減少在台灣發展的時間全因在港桃花運不錯：「唔想再柴娃娃，搵男朋友梗係朝住結婚、生仔嘅方向，咁啱喺香港都搵到有潛質（男友）嘅，都想發展順順利利。」
