出爐「亞太區最受歡迎香港男歌星」林峯，前晚與HotCha及韓國人氣組合SHINee，出席屯門市廣場《招財貓倒數迎新歲》活動。林峯與觀眾大玩遊戲，幾位打扮性感的貓女將林峯當柱大跳Pole Dance，令林峯尷尬得雙耳通紅，不時低頭抹汗！他說：「我塊面唔易紅，但耳仔易紅，之前同高海寧拍戲，佢挨個頭埋嚟，我耳仔紅到唔連戲，要敷凍水降溫，今晚玩得幾開心，男扮女裝嗰位觀眾好搞笑！今晚台上台下好多90後，SHINee粉絲啲吶喊聲好似開Concert！（新年點過？）初一至初三放假，留港陪屋企人，主要節目係瞓覺。」

林峯被男扮女裝的觀眾逗得不停喪笑。

女觀眾舞姿生硬，林峯冇眼睇。

HotCha狂讚有力量

至於SHINee盡顯親民一面，與Fans玩《獎門人》爆波遊戲，又唱又跳多首勁歌，接受訪問前，翻譯表明不答關於拍拖的提問，SHINee說：「首次喺中國人地方過新年好高興，雖然唔知利是係乜，但應該同『恭喜發財』有關。（畀Fans嘅熱情嚇親？）喺機場被Fans包圍確有少少，但都開心，香港同韓國Fans冇分別，都好鍾意我哋。」五子表示想遊覽山頂，並知道香港最出名Shopping。

HotCha出席迎新歲活動時十分興奮。	SHINee在台上玩「爆波」遊戲，非常親民。	SHINee成員為對方抹汗，認真夠老友。

巧遇韓國型男的HotCha則大感興奮：「SHINee唱Live好有力量，走位好靚，我哋有偷師，仲送咗好多嘢畀佢哋！（交換電話？）電話費貴，交換咗MSN咋！」