被譽為80後性感女神的呂慧儀（Koni）與「新咪神」高海寧（Samantha），在虎年率先各展所長向讀者拜年。穿上低胸短裙的Koni晒長腿，Samantha則以黑豹Jump Suit迎戰，當Koni看到對方的34D身材時不禁嘩然：「你真係好勁！」
「老虎女」Samantha今年犯太歲，自爆早前已攝太歲：「蘇民峰師傅話要喺農曆一月同七月去洗牙或者捐血，萬事可逢凶化吉。（想行桃花運？）有桃花即係觀眾緣好，但蘇師傅話我真命天子要過多幾年先出現，將來老公可以大我好多，仲話我一定嫁得出！」至於肖狗的Koni亦揚言想行正桃花：「爛桃花我唔要！但緣分嘅嘢好難講，結婚講唔埋，突然遇到合眼緣嘅都會嫁，依家事業緊要啲。」