去年在模寫真戰中成功出位的Lavina（鍾蕙芝）和Rainbow（胡心諾），為免長江後浪推前浪，今年再接再厲推出寫真集。適逢虎年，她們到位於番禺的動物園睇老虎，測試膽量之餘，順道沾「虎」氣，希望今年事事順利。甫抵達動物園，她們即到老虎表演場，挑戰體重達五百磅的大老虎，更戴上虎爪跟大老虎扮「親戚」，惟聽見老虎怒吼後即嚇到腳軟兼走人。其後，豁出去的Lavina偕Rainbow無懼虎威，試圖掹虎尾，場面驚心動魄，嚇得Rainbow大叫「阿媽」。

寫真集禁「肉」

其後一嘗抱抱老虎仔的她們，揚言虎年一定行大運，Lavina說：「今年我會再出寫真，但唔會只係賣肉，一定會帶到藝術效果畀大家，希望可以賣得好過其他女仔！」Rainbow則說：「我希望今年除咗事業順利之外，會考亦可以考得好啲，唔會令媽咪失望！」

Rainbow望沾虎氣，助會考取得佳績。	Lavina（右）與Rainbow鬼祟地欲掹老虎尾。	Lavina與Rainbow（右）戴上虎爪，扮老虎親戚。