本文重點
趁年初一兼情人節,古天樂放下Mr.Cool形象,炮製甜心朱古力冧影迷,直言擇偶首要講感覺。
近年鮮有緋聞傳出的古仔提起感情事仍「落閘」,談到擇偶條件,他慢半拍說:「到咗呢個年紀,唔會再諗長髮、身形高挑呢啲外在條件,最緊要係兩個人之間嘅相處同感覺。話明姻緣,梗係要講緣分啦!」記者請他做了個簡單的愛情心理測驗,結果顯示他屬天生認命的快活人,對愛情樂觀,不會因一時失戀而耿耿於懷。自言從未感受過浪漫情人節的古仔,認為情人節就像專為女士而設:「男仔會為咗所愛嘅人去學整朱古力、蛋糕,又會絞盡腦汁揀禮物。特意為對方學嘢,當然希望對方明白心意!」
新正頭忙過人
由於怕人多,古仔過節也愛留在家中,很難感受節日氣氛,但農曆新年即使足不出戶,也心情興奮:「媽咪會拜神、整嘢食,又有親戚嚟拜年,我係長子,要參與好多禮節儀式,總之忙過人啦!」

