八模兵團成員A. Lin、DaDa Lo、Hailey C.與Annie G.前晚大發新年財，與師姐Chrissie在銅鑼灣一間餐廳擺檔賣公仔及T恤，DaDa說：「原本想喺年宵攤檔賣，但投唔到好位，所以夾四位數字喺餐廳擺檔，希望發吓新年財！」為吸引顧客，五位靚女大送飛吻，其中Chrissie更為客人的「奶油豬」搽奶，難怪客似雲來！
A. Lin、DaDa、Hailey與Annie G.將忙得不可開交，除組成四人女子組合外，還會分拆發展，A. Lin說：「希望虎年賺到七位數字啦！我哋計劃再出寫真集，但形象會有好大突破！（好似勁敵Lavina嘅寫真脫得咁徹底？）總之我哋都會好爆，同時又傾緊主持兒童節目，希望打入細路市場。」