陳柏宇師妹馮曦妤（Fiona）細細個就鍾意鄭伊健，依家終於等到對方做咗佢大師兄，Fiona不知幾咁開心，有次小小So同佢講開伊健，Fiona就自爆咗單戀傻事畀小小So知。
Fiona：我真係好鍾意伊健o架！我試過發夢見到佢添呀！
小小So：咁你哋喺夢入面做咩先？
Fiona：我發夢公司同事帶我去同伊健食飯，諗住介紹我畀佢識，點知，伊健就同我個同事講：「呢個係咩人呀？我唔想同佢食飯喎！」
小小So：咁大牌？
Fiona：其實佢真人好好，可能我太緊張所以先發個咁嘅夢，我醒咗之後仲發現個枕頭濕晒，真係喊得好陰功，我咁大個女都係第一次發夢喊咋！
