吳彥祖忙於在廣州與奇雲史柏西趕拍新片《形影不離》，未能返港出席有份主演的《全城熱戀熱辣辣》首映，他在戲中有幸與闊別香港影壇七年的張曼玉演對手戲，卻慨嘆慘遭大整蠱：「嗰幾日都喺尖沙咀拍戲，好多朋友行過嚟探班，起先見到曼玉出現我都冇為意，工作人員仲同我講，話嗰場戲安排咗個演藝學院學生做我拍檔，諗都諗唔到佢哋畀個意外驚喜我。」由於曾屬同一經理人公司，彼此交情不錯，但合作還是第一次：「曼玉一Take過完成戲份，成段戲喊到聲嘶力竭。（有乜感覺？）覺得自己仍須努力囉！」
此外，日本雜誌《ELLEgirl》選出吳彥祖代表香港，與日本的岡田將生、台灣的周杰倫及內地的黃曉明等齊名，成為全球三十三位型男，吳彥祖說：「嘩！唔係呀？我型得過謝霆鋒？不過最開心係可以代表香港，大家以後唔當我係『外族』嘞！（覺得邊個最型？）我唔係賣花讚花香，梗係奇雲史柏西！」