近年Twins各有各忙，蔡卓妍（阿Sa）與鍾欣桐（阿嬌）分開發展，為Fans帶來更多驚喜。踏入2010年，適逢出道10周年，二人趁今日年三十晚的團圓日子，正式宣布將於4月16至17日假紅館開騷兩場，阿Sa說：「知道有過千中港台、星馬同澳洲等地嘅歌迷飛嚟支持，淨係諗已經好感動！」

阿Sa舞獅頭，而阿嬌則在桃花前留影。

阿嬌

據知，Twins已秘密為個唱炮製新歌《人人彈起》，而《勁歌金曲》將為她們製作特輯作個唱前奏，阿嬌說：「今年對Twins嚟講係一個值得紀念嘅日子，我哋會施展渾身解數做到滿分，我哋會將經典慢歌變成串燒歌，同Fans回味我哋嘅成長。」而英皇高層霍汶希（Mani）透露個唱銷程理想，內部認購已爆滿，現要謝絕訂飛來電！

好姊妹分甘同味

提到新春，阿嬌說：「過年要喺內地拍《靈珠傳說》，希望快啲拍完返嚟同阿Sa一齊準備個唱！」「團圓」在即，Twins應節品嘗甜到漏湯圓，阿Sa說：「新年就諗起嫲嫲整嘅年糕同蘿蔔糕，好好味！試過食兩底，滯咗幾日！嫲嫲每年都會預埋阿嬌。」問到有否向嫲嫲偷師，身旁的阿嬌即大讚好姊妹手勢好。