吳君如、古天樂、鄭中基及黃百鳴昨日到九龍灣國際展貿中心，慶祝《花田囍事2010》前日錄得九十多萬元開畫票房，以二十多萬元之差拋離票房六十九萬元的《72家租客》，眾人大開香檳及用錘仔破冰，祝願票房再下一城！君如笑說：「就係因為曾志偉撩起風波，引人注意至咁成功，佢應記一功，佢今次口出狂言出啱咗！我會去泰國會合陳可辛玩四日，返嚟先慶功！我會包院同個女睇《花》片。（谷票房？）我哋唔使好似人哋咁靠包場嘅，哈哈哈！」另外，據內地傳媒引述，黃百鳴曾笑說：「志偉之前話請我睇《72家》，後尾咪又係我自己畀錢睇，但睇完我可以安心瞓覺，佢話票房好會請演員旅行，我諗佢去唔成。」而前晚現身維園年宵攤位的志偉，由於目前不在香港，故截稿前仍未聯絡得上。