陳慧琳（Kelly）生下愛子劉昇後，首次一家三口過春節，現時七個月大的劉昇，體重已達24磅，名副其實是「蝦餃王」，Kelly提起心肝椗即興奮，親筆寫「蝦餃長大」揮春給囝囝：「佢依家好肥，係超大BB，抱佢抱到腰痛，醫生叫我要注意姿勢，但每次見到佢就好開心，所有煩惱都冇晒。不過我同佢瞓過兩次咋！因為佢一郁我就醒，如果第二日要做嘢，我會頂唔住。」
至於老公劉建浩，Kelly見到巨型的「天降財虎」靈機一觸，想了一個「財源滾滾來我袋」的揮春送給老公，她笑說：「我幫佢Keep住啲錢，將來留畀個仔。（Keep埋好多？）佢一次過入幾個月家用畀我秘書，交租、雜費、家用，唔使我煩，我唔會問佢攞錢，好核突。（找信用卡數？）唔好咁無良，自己使自己錢開心啲，我一個月開支幾萬蚊，嚇死佢。」
至於自己的新年願望，Kelly說：「希望家庭同事業兼顧，做一個完美現代女性。」問到何時再生BB？她說：「最快都要出年至大肚，依家囝囝喺我身上大力跳時，傷口都仲痛。」