名人後代嘅感情生活一向受人注視，小小So當然都好關心，好似趙世曾愛女趙式芝咁，一向都好努力專注工作，但話晒女仔人家，拍拖可以減壓之餘，有頭家始終都好啲。趙式芝同小小So講，話屋企人冇催過自己搵另一半：「屋企人已經放棄咗催我啦！今年情人節同年初一同一日，但我要去日本做嘢，之前會同屋企人食團年飯，不過我哋真係縱慣晒佢哋（父母），以前佢哋會叫齊人食團年飯，但依家要約番佢哋轉頭。」
小小So講開細佬趙式浩好似有新女朋友時，身為家姐嘅趙式芝話唔肯定細佬係咪有新女友，佢話：「應該有、好似有、我有見過，但唔知係咪女友，佢咁大個人有分寸啦！佢拍拖唔使問我意見，因為我講嘢好直，我費事Hurt到佢。」
