本文重點
昨日Jessica C. 與陳法拉出席珠寶店開幕活動，戴上逾千萬元鑽飾行Catwalk，Jessica透露這是她農曆新年前最後一個工作，因明日便會飛意大利會男友過甜蜜情人節，下月初才返港工作。她視此假期為情人節禮物，問到可有準備其他禮物？她表示已準備鑽石耳環送給男友，而自己也是一份最佳禮物。
阿Yu佗B緊張
此外，Jessica前晚出席另一首飾活動時表示，今次旅行將租車與男友到處觀光，會帶四萬元作旅費，問到會否花錢在男友身上？她說：「都會o架！佢有時都會畀番錢。如果男友成日畀，我覺得唔好，我鍾意AA制，攞番個平衡。我男友嘅前女友唔畀錢，成日要佢畀，我就會自己畀。」
同場的周永恒和趙梓淇（藝名趙頌茹、阿Yu）恩愛赴會，剛宣布有喜兩個月的阿Yu，全程獲丈夫細心護肚，問到佗B心情如何？她表示緊張：「今日仲有啲驚，因為我有咳，但又唔見嘔，嗰時驚冇咗個BB。（想生仔定女？）我想生仔先，感覺勁啲！」