諸葛梓岐（Marie）與陳法拉兩位「未來薛家新抱」近日互相暗寸不是，日前有指法拉已影婚紗相，Marie因高調而令她在薛家的地位動搖。兩人昨日分別出席活動，對有關傳聞均拒回應。Marie與高海寧出席海港城Xbox 360《好戲連場迎虎年》活動，向來敢言的Marie態度急轉，只勉強擠出笑容說：「我對失實報道唔回應！（有人叫你收聲？）唔再回應。」對於有指她曾搭上男友薛嘉麟的朋友，Marie強調報道失實：「好誇張！唔回應！（男友信任你？）係！（薛家兩老唔喜歡你？）唔回應，唔想影響老人家。（幾時結婚？）順其自然。」記者發現她左手中指戴上五卡鑽戒，她表示只是飾物，不怕被誤會已訂婚，問到是否男友所送？她只說：「係秘密！」

另一邊廂的陳法拉出席剪綵活動，問到影婚紗相一事？她坦言是誤會：「係！不過係拍廣告！（順便搵贊助？）唔會咁快，呢啲以後再講。（諸葛梓岐咬住唔放？）唔回應，唔想再講。（奶奶唔想你再講？）冇人叫過我唔好講。」對於諸葛梓岐曾揚言結婚不會鬼祟，法拉亦認同結婚是人生大事，定必大排筵席：「結婚唔係兩個人嘅事，要好多時間去計劃！」提到情人節，法拉表示至今仍未收過男友貴重禮物，坦言想收心形鑽戒。

補上爭金像獎

另外，憑《十月圍城》角逐今屆金像獎「最佳新演員」的王柏傑，被質疑兩年前已演出電影《九降風》，入圍資格成疑。大會開會後正式取消他的提名，由第六位最高分數候選人《LAUGING GOR之變節》的陳法拉補上，令《十》片變得只有18項提名。