與陶喆一啜成名的岑潔儀（Zoey）早前高調捧陶喆演唱會場，但遭對方憑歌寄意暗指有人借緋聞上位，有傳她為此不開心，疑轉「性」找另一位廚房妹陳宛蔚傾訴時又有曖昧，Zoey笑着說：「我同男仔女仔都可以做好朋友，但我同宛蔚只係Friend，呢排壓力大，好多唔開心事發生，搵朋友傾訴吓！（同陶喆拍咗三個月拖？）搞笑囉！我冇咁講過，我哋識咗半年，發生事後冇乜聯絡。（唔開心佢暗寸你？）我唔覺得係講我，呢啲係佢嘅幽默感，大家係朋友，心照啦！」
Zoey坦言今年是最黑仔的一年，惹來恐嚇SMS及被揭床照，她揚言要在新年前做Spa洗走衰氣：「遲啲仲要同阿媽去拜神，祈求一切順利。」但她表示早前與一班女朋友到台灣浸溫泉時，冇膽肉帛相見。