熊黛林（Lynn）昨日與Angelababy出席b+ab自家設計虎年慈善Tee開售活動，Lynn被問到「焚城招數」報道時，即嚴肅地說：「同事睇咗後話我知，點解一篇電影宣傳會變成咁？唔開心，失去信任，驚再同佢（該雜誌）做訪問，我可以唔答嘅就唔答，唔知點解第一次做訪問會講咁多嘢。」她愈說愈激動，問到是否受委屈時，她突然雙眼通紅，先背向記者再急急腳走到店舖一角，面壁分半鐘，期間身體微微顫動。

提到「焚城招數」的報道時，熊黛林急急轉身背住記者，掩面走到一角面壁。	放大圖片	冷靜過後，熊黛林眼濕濕忍淚完成訪問。

考慮採法律行動

其後Lynn忍淚完成訪問，她表示不怕影響與城城的關係，而是因被屈而感委屈：「好多嘢都冇答過！」她謂看過全文後才考慮會否採取法律行動，但她認為傷害甚大：「以前唔好嘅報道只係幾句，但今次真係好多，好似個專訪。（要澄清？）好多都加咗好多嘢上去。」問到會否在家哭？她扁嘴語塞：「我……都唔知！」不過，她恭喜城城入圍金像獎最佳男主角，還讚他演得好，會致電恭喜。提到她設計的Tee印有老虎圖案，她自言非老虎乸！

城城為氹伊人，昨午約5時與男助手到中環Hermès購物，15分鐘已買了浴袍、毛氈、披肩及香水等，心情大靚的他離開時邊講電話邊向記者打招呼，未有回應知否Lynn哭及會否氹她，問到是否揀情人節禮物？他笑說：「過年o架！」當記者表示過年即情人節，他即冧笑。此外，城城座駕有朱古力花，相信屆時會與Lynn度浪漫情人節！