何超盈曾揚言男友Greg是其真命天子，更有意大學畢業後即結婚。不過，超盈口中的乖仔Greg日前被翻舊帳，他被指未與前女友Patty分手便與超盈拍拖。記者昨日致電超盈，她否認Greg曾一腳踏兩船：「我都識Patty，大家係中學同學，但同佢完全唔熟。我知佢哋拍過拖，佢哋08年10月正式分手，我同Greg就喺09年情人節先一齊。（對方放佢哋密照上網？）我有心理準備，唔會為呢啲事唔開心，我同家人對Greg都有信心，拍拖之後都有好多不知名女仔喺Facebook度Add佢，同埋約佢食飯，但Greg冇理佢哋。」