11/02/2010

播放本新聞相關短片

自己打自己學友嗌熱鬧

張學友於今個新年同時有兩套新片上映,分別是《全城熱戀熱辣辣》及《72家租客》,連他亦忍不住說:「接嗰陣,話一套情人節上、一套過年上,諗唔到咁蹺撞埋一齊!都好、熱鬧啲!」談到曾志偉的《72家》與黃百鳴的《花田囍事2010》為票房數字掀罵戰,學友笑言有排鬥,又指數萬元的差額對志偉來說只是小數目:「佢自己拎出嚟都得啦!(你應該加價?)我等黃百鳴搵我囉!哈哈!其實我認同志偉講法,錢冇所謂,鍾意就接。」

至於踢拖上陣的謝霆鋒,未知是否因喜獲金像男配角提名,全程心情大靚,與大S有講有笑,但他表示沒有想過得獎:「冇諗呢啲,之前我都有喺其他頒獎禮提名過,拍戲唔應該諗獎。」