有傳廖碧兒（Bernice）為了勇闖荷里活發展，把心一橫忍痛跟拍拖五年的陳豪分手；另一邊廂，佘詩曼因拍攝《公主嫁到》而撻着陳豪，乘虛而入，Bernice頓變這段三角戀的大輸家。未知Bernice是否因為輸「仔」及輸「面」關係搞到眼火爆，昨日連無綫力谷的新片《72家租客》也臨時甩底，避開與阿佘同場。原本Bernice及阿佘的名字同在出席名單中，可是Bernice以昨午一時要到秀茂坪出席商場活動為理由，缺席下午二時假奧海城舉行的《72》電影宣傳活動，然而秀茂坪到奧海城的車程不用二十分鐘，加上《72》在三時後還有花車巡遊，而秀茂坪的商場活動早於下午二時已經結束，由此可見Bernice絕對有時間趕去奧海城。

陳豪	廖碧兒缺席，獨領風騷的阿佘笑得格外燦爛。

情人節忙開工

但無綫外事部發言人卻指Bernice要三時許才到，因為花車不等人的關係，所以Bernice亦不會趕來，似乎愈解愈亂！Bernice在接受訪問時，被問到是否因為避「佘」而缺席電影宣傳？她再諗藉口說：「唔會，我都唔知阿佘會出席，因為呢個活動一早應承咗，《72》啲宣傳通常好臨時，同埋咁多宣傳冇可能出席晒！」然而《72》的宣傳活動有不少藝人參與，加上花車巡遊亦不可能是臨時！她更拉張學友落水說：「學友之前都去唔到廣州宣傳啦！」再問她會否與陳豪過情人節，她說：「冇o架喇！自己都約唔到自己，好多工作呀！」

《72》的演員出動花車巡遊，到鬧市宣傳，其中梁政珏更穿上露背裝搶鏡。

梁政珏

Bernice臨時甩底，阿佘出席活動時獨領風騷，更大講風涼話說：「初一到初三都休息，初四開工！」被問到初四會否見到陳豪時，她說：「唔知嗰日佢有冇份拍，最好唔好見佢住，唔好煩！」談到會否到陳豪家拜年？她又說：「問啲咁嘅嘢，好唔正常！」

華姐冠軍Vs雙料視后

SoSo姐金句：三角關係好閉翳，拒絕碰頭免失威。