每個人食嘢都有唔同口味同選擇，藝人亦唔例外，早排小小So喺一個飯局收到風，最近同緋聞男友王傲山行得好埋嘅靚女李彩華（Rain），原來最鍾意茄汁，尤其係食西餐嗰陣，更加係冇茄汁不歡！無論食沙律、薯條、雞翼、青瓜或蝦，佢都要有一支茄汁喺度，然後起勢倒落個碟仔度，再慢慢點嚟食，仲食到鬼咁滋味，可以好快就點晒成碟茄汁，認真誇張！小小So真係要封佢做「茄汁王」！除咗點茄汁外，Rain食快餐店嘅薯條嗰陣，亦鍾意用甜酸醬混埋茄汁一齊點嚟食，佢話呢種「混醬」食法絕對一流喎！小小So聽到真係好佩服佢！