最近陽光檸檬茶廣告系列再次在電視出現，新女主角何思諺（Leanne）及男配角Kit有幸成為是次廣告的「幸運兒」，其中Leanne更是從比賽中帶出陽光下的感動故事。
繼鄭伊健、張栢芝及黃宗澤拍攝陽光檸檬茶廣告走紅後，「陽光」系列已有近10年沒有再拍攝新青春廣告，今次製作公司在網上發起男女主角選拔活動，其中女主角Leanne及男配角Kit則成為今次的「幸運兒」。
鄰家女楚楚可憐
雖然模特兒Leanne剪了清爽短髮，樣子也未算最標青，但能給人鄰家女孩的感覺，問到如何從幾百名參賽者中脫穎而出，Leanne一臉認真地說：「今次廣告公司要求Casting嘅人用照片或者短片介紹自己最陽光嘅一面，有次喺籃球場畀我捕捉到一位隻腳有問題嘅伯伯，佢喺陽光下鍥而不捨咁要將個籃球入籃，令我好感動！雖然拍攝主角唔係我，但我就覺得好有代表性，估唔到就中咗！」至於Kit亦是從短片中奪得男配角之位，他說：「細個有參加童軍，覺得好代表到陽光氣息，所以我將以前喺活動所拍低嘅短片剪輯，結果好好彩被揀中。」
Profile
姓名：何思諺（Leanne）
身高：165cm
三圍：32B、24、31.5
曾拍廣告：瑞士糖、白蘭氏、陽光檸檬茶