莊思敏（Jacquelin）回想八、九年前初入行時，對一切都很陌生，不習慣面對陌生人，她解釋：「我係讀女校，好少同異性接觸，所以初時都發覺自己溝通好有問題，唔識得做主動同人打招呼，經常畀人誤會冇禮貌，好寸！」

出身富貴之家，莊思敏難免有點千金小姐性格！	莊思敏認為人與人的溝通是一門高深學問。	莊思敏投身模特兒界，除了學行騷亦要學做人。 資料圖片

最難與男仔溝通

時間久了，Jacquelin認識更多身邊的人和事，漸漸放開懷抱，踏出人生的第一步，她說：「要打開第一個話題真係好難！尤其係男性，不過最終我都克服咗，凡事都有第一次嘛！」做模特兒令她增廣見聞，可接觸不同的人：「除咗認識到電影人之外，仲有律師、會計師同廣告製作人等，唔同工作嘅人有唔同經歷，佢哋嘅經歷或成功背後就係我哋嘅知識！」

中國人有句話：「言者無心，聽者有意！」Jacquelin認為入行以來最大得着是變得圓滑，明白到溝通與相處是一門高深學問，身為富家女的她說：「我自小受家人保護同愛錫，令到我性格比較倔強，鍾意講乜就乜，唔識理人感受，得罪人多，稱呼人少，咁樣喺呢行唔生存得好耐，所以慢慢我講嘢都逐漸變得圓滑咗。」