丁子高與2R成員黃婉佩（Race）出席《朱古力美術館by Chef Koo@海港城．美術館》活動，並在朱古力大師傅指導下，親手炮製獨特朱古力。一向喜歡小朋友的丁子高揚言，最想整奶嘴造型的朱古力，問到是否想千嬅生虎BB，他說：「整畀佢（千嬅）等佢好瞓啲。（有你喺身邊都唔好瞓﹖）好，再好啲、甜啲。（想唔想生BB？）等佢冇咁忙先，佢今年要出兩張唱片、拍電影同開演唱會，都唔知做唔做得晒。（驚唔驚佢做高齡產婦？）唔驚，佢好健康，最緊要睇住唔好畀佢亂食嘢，因為佢鍾意食。」
千嬅上周生日，丁子高表示與她在上海度過，問到送甚麼禮物？他說：「我設計咗R字首飾畀佢，同埋佢話過我冇送過花畀佢，所以送咗365朵睡蓮，因為佢鍾意紫色。」至於今年首度派利是，他表示已預備六位數字。
同場的Race透露男友熱愛朱古力，惹來一屋螞蟻，亦曾炮製朱古力Spa給男友浸浴，問到是否鴛鴦浴？她說：「佢自己一個人沖，邊食邊浸。」