為配合輕快旋律，造型師為William準備色彩繽紛的服飾，包括學院Look及變種Punk Rock Look等，由於他的學生造型太可愛，有男工作人員竟「調戲」他，眼甘甘望到實，令他十分害羞，並投訴說：「嘩！個個大男人望住我啲眼神，好似望住女仔咁，搞到我唔知畀咩反應好！」更搞笑地將聲線提高8度說：「Yeah……好衰o架！」工作人員亦齊齊提高聲線回應：「Yeah……咁你真係Cute吖嘛！」現場「Yeah」聲四起，聽到個個毛管戙！

陳偉霆與舞蹈員狂跳九小時，盡顯活力。

陳偉霆以七彩繽紛的學生Look拍MV，十分醒神。