名模熊黛林在新片《花田囍事2010》中，跟黃百鳴與古天樂齊齊搞笑，她說：「起初開工唔慣，同古仔、吳君如格格不入，導演叫我放開啲，效果總算滿意。（想唔想好似林志玲咁拍嚴肅古裝片？）想！佢嘅《赤壁》我都有睇，好靚女啊！今次最難忘古裝Catwalk戲，着咗十幾套靚衫，只要靚就唔覺辛苦。同反串嘅Angelababy嘅洞房戲我都好鍾意，因為佢好靚仔！（靚仔過郭富城？）咦！我唔知，唔好問我啦！」
另外，昨日古天樂與黃百鳴等到吉隆坡宣傳《花》片，古仔在Blog談感受，指過去兩年也參與賀歲片，是源於跟黃百鳴談合作時，提及已好幾年沒演過賀歲喜劇，令一家大細在新年時沒有太多選擇，於是決定向這個方向前進。另外，有傳古仔將翻拍經典劇集《大時代》，但他透過經理人否認此事。