今次Rainbow與一名女友人同行，共逗留五日四夜，其中一日她們更特登早起到富士急遊樂場玩了一整天！Rainbow原來十分貪玩，面對富士急的機動遊戲，不但毫無懼色，更幾乎玩盡所有遊戲。不過，日本的天氣早晚溫差頗大，早上玩的時候天氣還很炎熱，豈料晚上氣溫驟降，她說：「夜晚玩機動遊戲嘅時候真係凍到傻咗！尤其係有啲機動遊戲轉得好快，玩完出番嚟嗰陣，個鼻仲流晒鼻水，個個都凍到震住咁走。」

掃貨大出血

除了玩機動遊戲外，Rainbow當然有到各大商場「血拚」，收穫甚豐，買了不少衫、鞋及外套，又到藥房狂掃各種護膚品及面膜，估計此行最少花了一萬三千多元，行李當然重了不少，Rainbow說：「我哋兩個女仔都好難拎得起個篋，落樓梯嗰時拖個篋拖得好辛苦，不過好彩有幾個日本男仔好有風度過嚟幫我哋，佢哋拎起個篋之前都以為好輕，點知一拎到上手，個個都變晒樣！」

Rainbow看着美味的班戟，眼都唔眨！	日本美食多，Rainbow由朝吃到晚。	東京風光如畫，難怪Rainbow樂而忘返。

擦平價拉麵

日本之旅，Rainbow品嘗各種美食，吃了日式咖喱豬扒飯，又到地下商場吃特色泡芙，問到吃得最多是甚麼食品？她竟說是拉麵，因為她找到一間又便宜又好吃的拉麵店，該拉麵店更掛了多張日本明星到訪簽名的相片，Rainbow當然吃不停口！她又指日本拉麵的味道跟香港的相差很遠，所以她要在日本吃個夠。