昨日Baby與師妹楊汀叮等在海港城出席《虎躍海港樂滿城之「紅」抱財神》活動，Baby與財神抱抱，她表示去年抱過財神後，收入不錯，故今年決定派五位數利是給工作人員，但不會派給陳偉霆（William）：「佢咁有錢！唔使派。」

Baby透露新年將返上海探望患病的婆婆，故情人節冇拖拍亦不愁寂寞，問到想收甚麼禮物？她說：「我想收玫瑰，睇吓邊個有心送畀我？」對於William表示新年會到上海，問到二人會否見面？Baby說：「我都唔會見到佢！唔想畀人見到又傳緋聞，之後又被寫成地下情！」她強調目前最希望陪婆婆及家人：「搵男朋友仲有好多日子，見婆婆日子就一日比一日少！」

Baby（右起）、楊汀叮和模特兒Sarah出席賀年活動。

昨日25歲生日的楊汀叮，收禮物收到手軟。

楊汀叮生日攬財神

而模特兒楊汀叮昨日生日，獲一班Fans為她慶祝，問到今年幾多歲？她說：「廿幾！」事後被指生肖屬牛，她才承認是25歲：「今日生日又可以同財神抱抱，真係一個好兆頭！」