同樣曾捲入三角戀的唐詩詠昨日宣傳《西貢區全城清潔運動》，對於舊愛崔建邦（Amigo）終現身，她未太在意亦沒有搵對方，問到可知他情緒抑鬱？她相信只是過渡期。提到鄺敏慧（中巴）接受有線訪問，她說：「我屋企只係睇到無綫，睇唔到有線，我冇睇過佢嘅訪問。（中巴話最愛係崔建邦，崔母仲讚佢係最好嘅女友？）冇所謂，佢鍾意點講就點講，件事由聖誕講到新年，我唔希望講到復活節囉！（中巴講得太多？）希望佢唔好再講啦！不過，冇所謂啦！佢講嘅嘢都應該唔係講我，我唔理咁多。（有冇機會同崔建邦復合？）做朋友啦！」