近日阿佘、陳豪與廖碧兒的三角戀鬧得熱烘烘，連黎明前晚與任賢齊、衞蘭（Janice）、應昌佑、李治廷及樂隊RubberBand等前晚舉行《新城「情人節i Do」音樂會》時，黎明亦拿球星泰利事件論盡現今男女關係，雖有感泰利不對，但雙方亦有責任：「呢件事嘅教育意義係要人分清黑白，千祈唔好當泰利係熊貓，黑白混淆！」贏得觀眾熱烈掌聲！
問到小齊與歌迷握手時有否被抽水？他說：「有熱情唔放手嘅，手好幼嫩，應該係女仔，唔會抓其他地方咁大膽啩？如果好似碧咸咁就大鑊！」至於早前哮喘病發的Janice已無大礙，最近忙於搵屋與父親及妹妹衞詩同住：「會揀港島區，養得寵物，爸爸就嚟退休。（你擔起頭家？）向來都有照顧佢哋。」由於衞詩舊愛關楚耀亦住港島區，問到會否有避忌？她說：「唔諗呢個！佢同妹妹冇關係！係朋友。」
