深受美國人歡迎的魔術師Criss，近年於電視節目《魔幻天使》表演各類新奇魔術，令人讚嘆，在節目中，他更玩盡亡命演出，如活生生葬雪地逃脫及憑直覺行地雷等，節目於AXN BEYOND逢周四播出，日前他接受本報訪問時，提到在高山的雪地上被困棺材內，活生生被葬在雪地內進行大逃脫的感受：「當時好集中精神，乜都冇諗，亦要保持鎮定。雖然成功之後我真係凍到僵同虛脫，仲有併發症，但好開心可以成功。一代魔術大師胡迪尼都試過活葬嘅魔術，但之後都誓言唔會再試，我諗我都唔會再做呢項魔術！」

恨來港演出

向來愛革新魔術兼玩命的Criss，自言難找保險公司投保：「依家得一間肯保我，我唔清楚保額有幾多，就肯定夠我家人同孫唔使打工過世！」雖然其魔術事業非常成功，但亦有失手的時候：「冇失敗又點成功，不過表演魔術有着數，就算當中有出錯，只要我掩飾到就冇人知。我試過失敗受傷入院，被炸藥炸傷，留有疤痕，並提醒我嘅失誤，但我仍繼續用自己嘅本能去表演！」長駐拉斯維加斯表演的他，將會開拍最新一輯《魔》，故未有時間來港演出。