克勤的新歌《二十四城記》題材大膽，以援交作題材，林若寧的歌詞：「她　輾轉過幾多張床　錯將溫柔釋放　無盡過客　買她的笑容……她只許滿足虛榮　滿足一時高興　懷內每個　喊不出姓名」細膩地描述出援交的悲哀與墮落。MV內容講一個做援交的Model自尋短見，欲跳樓了結生命，正義化身的克勤向她伸出救援之手，將她從絕望中拯救出來，而扮演援交Model的女主角Seren，曾參選馬來西亞小姐，而克勤的老婆盧淑儀是香港小姐，克勤與選美佳麗的確有緣。

化身正義勇士的克勤，危立旺角一幢舊樓的天台拍攝。

克勤與工作人員一同睇Playback，一絲不苟。

製作費達六位數

對於歌曲講援交，克勤認同歌詞有點踩界：「首歌講尋夢少女穿梭『廢城』，利用自己天賦本錢達到目的，的確有少少踩界，甚至有人問我係咪講阿邊個？我唔知呀！等大家有想像空間。（同女主角有冇親熱戲？）唔知，應該冇，點會咁益我。」今次MV耗資近六位數字製作費，拍攝地點在旺角一幢舊樓的天台，唱片公司更特別出動吊臂拍攝旺角環迴360度景色，十分認真。