王宗堯參演的賀歲電影《財神到》即將上映，與譚詠麟及楊千嬅合作的他被力讚，但未感壓力：「唔覺壓力大，只係覺得校長好搞笑、專業同認真，只要佢睇到我用心做嘢就得，而且佢會提點我，仲會做埋畀我睇。」他又大讚對手楊千嬅：「喺《財神到》同千嬅合作，佢個人好爽，平時唔出聲，但一出聲就一矢中的，而且佢畀人個感覺好開心。」至於在Greg新片《美麗密令》中與蔡卓妍及梁政珏等合作，艷福不淺，但無懼緋聞：「喺片場度大家會一齊玩，但平時唔會約出嚟，我好清楚自己做緊乜嘢。」

王宗堯參演的《財神到》將在新年檔推出，他亦期待外界的反應。	獲譚詠麟點名睇好的王宗堯，謙稱與前輩合作獲益良多。	王宗堯（左起）早前偕阿倫及千嬅到北京宣傳新片。

鍾情台灣美眉

原來Greg不愛港女，「心繫」台灣美眉：「香港女仔比較獨立，我鍾意台灣女仔多啲。」而他的擇偶條件亦很獨特：「我唔鍾意着重物質嘅女仔，鍾意諗嘢怪同有主見嘅人，亦都鍾意寫Blog時，啲文字好詩情畫意、好細膩嘅女性。」擅長烹飪的他，更自爆冧女招：「我整嘢食好好食o架！同女仔最浪漫嘅時候，就係用誠意煮一餐畀佢食。」走出廚房，他就自認波牛：「我好肯去追波，落場時可以話係波牛。」