日前胡定欣出席粉嶺帝庭軒商場活動，與現場觀眾玩遊戲，她說：「今年年初一同情人節當日，我唔只有節目，仲會同好多人一齊過添！因為我會參加花車巡遊表演，依家未知會表演啲乜，估計係表演跳舞，我第二次做花車巡遊表演。（有觀眾塞利是畀你？）冇o架！雖然冇得逗利是，但可以同世界各地表演者交流心得，令自己大開眼界都好開心！（情人節冇情人陪？）但我唔覺得孤單，可以參與咁大型嘅花車巡遊咪仲有意義，話唔定到時有人追我呢！」