因擁有魔鬼身材而聲名大噪的雷凱欣，原來舞技同樣吸引！她表示年前獲邀為吳建豪的日本演唱會伴舞：「一接到個Job開心到爆炸，結果喺當地留咗一個月，覺得當地嘅拉麵好好味。記得吳建豪喺慶功宴請我哋食牛肉火鍋，全部都係貴價一級牛肉！」
雷凱欣坦言不時為「舞友」任形象指導：「我好鍾意行街，又知道邊度有平嘢買，攞到批發價o架！有時見啱佢哋嘅嘢，咪買畀佢哋表演時用囉！我去台灣探啲Dancer朋友，都鍾意送潮Tee當手信。」而她十分清楚羅志祥、SS501及Wonder Girl等舞王舞后的動向，更打趣視他們為偶像。問到擇偶條件是否要跟她一樣「戀舞」，她說：「初戀男朋友仔都係識跳舞嘅男生囉！」
